वैजापूरात नगराध्यक्ष पदासाठी डॉ.दिनेश परदेशी यांचा उमेदवारी अर्ज दाखल...

 

वैजापूर

शिवसेना -भाजप महायुतीबाबत चर्चा सुरू असतानाच भारतीय जनता पक्षाच्यावतीने नगराध्यक्ष पदासाठी डॉ.दिनेश परदेशी यांनी रविवारी उमेदवारी अर्ज दाखल केला. यामुळे आता स्थानिक राजकारणात चर्चेला उधाण आले आहे. 

पालिका निवडणुकीसाठी उमेदवारी अर्ज दाखल करण्याची प्रक्रिया सुरू आहे. गेल्या काही दिवसांपासून पालिका निवडणुकीच्या पार्श्वभूमीवर ऐन हिवाळ्यात राजकारण तापू लागले आहे.  शिवसेनेचे आमदार रमेश बोरनारे यांनी 'ज्याचा आमदार, त्याचा नगराध्यक्ष' या भूमिकेवर आमदार  ठाम आहे तर दुसरीकडे भाजपाकडून नगराध्यक्ष पदासाठी  डॉ. दिनेश परदेशी यांनी आपला उमेदवारी अर्ज दाखल केला. दरम्यान  रविवारी आपली भूमिका स्पष्ट करत 'आज काय आणि उद्या काय ? पक्ष जो आदेश देईल तो आपण मान्य करू' असे सांगितले आहे. यामुळे आता सेनेचे संजय बोरनारे यांच्या विरोधात भाजपकडून ते उमेदवार म्हणून मैदानात उतरणार आहे. हे जवळपास निश्चित झाले आहे. डॉ. परदेशी यांनी राष्ट्रवादी काँग्रेसचे हाजी अकिल शेख, रविंद्र संचेती, विशाल संचेती, अविनाश गलांडे आदींच्या प्रमुख उपस्थितीत आपला उमेदवारी अर्ज निवडणूक निर्णय अधिकारी डाॅ. अरुण जऱ्हाड, सहायक निवडणूक निर्णय अधिकारी सुनील सावंत व मुख्याधिकारी भागवत बिघोत यांच्याकडे दाखल केला.