वैजापूरात बसचालकाविरुद्ध गुन्हा दाखल...

वैजापूर

स्कुटीने जात असलेल्या महिलेला भरधाव बसने कट मारल्याने खाली पडून महिला गंभीर झाल्याची घटना १४ नोव्हेंबर रोजी शहरातील गंगापूर रोड येथे दुपारच्या सुमारास घडली. याप्रकरणी बसचालकाविरुद्ध वैजापूर पोलिस ठाण्यात गुन्हा दाखल करण्यात आला आहे.

याबाबत पोलिसांनी दिलेल्या माहितीनुसार, अनिता मिथुन गायकवाड या तालुक्यातील घायगाव येथील रहिवासी आहेत. शुक्रवारी दुपारी एक वाजेच्या सुमारास त्या त्यांच्या स्कुटीने (एमएच २० एफई २८१४) मुलीला शाळेतून घरी आणण्यासाठी वैजापूर शहरात येत होत्या. दरम्यान वैजापूरहुन गंगापूर चौफुलीच्या दिशेने भरधाव जाणाऱ्या बसच्या (क्रमांक २० जीएस २७२१) चालकाने त्यांच्या स्कुटीला कट मारून धडक दिली. या अपघातात अनिता या गंभीर जखमी होऊन त्यांचा उजवा पाय फ्रॅक्चर झाला. याशिवाय शरीराला देखील गंभीर दुखापत झाली. याप्रकरणी त्यांचे पती मिथुन गायकवाड यांनी दिलेल्या फिर्यादीवरून वैजापूर पोलिस ठाण्यात बस चालकाविरुद्ध गुन्हा दाखल करण्यात आला आहे. गुन्ह्याचा पुढील तपास पोलिस करित आहेत.