वैजापूरात नगराध्यक्ष पदासाठी शिवसेनेकडून संजय बोरनारे यांचा उमेदवारी अर्ज...

वैजापूर

शिवसेना -भाजप महायुतीबाबत चर्चा सुरू असतानाच शिवसेनेने नगराध्यक्ष पदासाठी स्वतंत्र उमेदवारी अर्ज गुरुवारी दाखल केला. यामुळे आता स्थानिक राजकारणात चर्चेला उधाण आले आहे. पालिका निवडणुकीच्या पार्श्वभूमीवर नगराध्यक्ष पदासाठी शिवसेनेचे संजय बोरनारे यांनी आज आपला उमेदवारी अर्ज दाखल केला. 

पालिका निवडणुकीसाठी उमेदवारी अर्ज दाखल करण्याची प्रक्रिया सुरू आहे. गेल्या काही दिवसांपासून पालिका निवडणुकीच्या पार्श्वभूमीवर ऐन हिवाळ्यात राजकारण तापू लागले आहे.  शिवसेनेचे आमदार रमेश बोरनारे यांनी नगराध्यक्ष पदावरून उचल खात 'ज्याचा आमदार, त्याचा नगराध्यक्ष' या भूमिकेवर आमदार बोरनारे ठाम आहे तर दुसरीकडे भाजपचे नगराध्यक्ष पदाचे उमेदवार डॉ. दिनेश परदेशी यांनी आपली भूमिका अद्यापही स्पष्ट केली नसली तरी संजय बोरनारे यांच्या विरोधात भाजपकडून ते उमेदवार म्हणून मैदानात उतरणार आहेच.  दरम्यान शिवसेनेचे संजय बोरनारे यांनी आज बंधू आमदार रमेश बोरनारे यांच्यासह माजी आमदार भाऊसाहेब पाटील चिकटगावकर, संजय निकम, साबेरखान, खुशालसिंह राजपूत आदींच्या प्रमुख उपस्थितीत उमेदवारी निवडणूक निर्णय अधिकारी डाॅ. अरुण जऱ्हाड, सहायक निवडणूक निर्णय अधिकारी सुनील सावंत व मुख्याधिकारी भागवत बिघोत यांच्याकडे दाखल केला.