“श्री सूर्यपथ डिफेन्स करिअर अकॅडमी” चा उद्घाटन सोहळा संपन्न

वैजापूर

तालुक्यातील ग्रामीण भागातील होतकरू विद्यार्थ्यांना शासकीय सेवेत प्रवेश मिळविण्यासाठी दर्जेदार प्रशिक्षण मिळावे, या उद्देशाने “श्री सूर्यपथ डिफेन्स करिअर अकॅडमी” ची स्थापना करण्यात आली आहे. या अकॅडमीचा उद्घाटन समारंभ  जरुळ (ता.वैजापूर) येथे मोठ्या उत्साहात पार पडला.

या कार्यक्रमाचे उद्घाटन  संजय बोरनारे यांच्या हस्ते करण्यात आले. यावेळी प्रमुख पाहुणे म्हणून दीपक  राजपूत (माजी जि.प. सदस्य), पोलीस निरीक्षक  सत्यजित ताईतवाले, श्रीराम  गायकवाड,  शरद जाधव, संतोष बंगाळ, सरपंच देविदास मतसागर, मनोज नळे, ऋषी बाबा, बाळासाहेब राऊत, संग्राम राजपूत, उमाकांत वाकचौरे, पोलीस पाटील दिगंबर सुर्यवंशी, प्रमोद पाटील, पवन शिंदे, अमोल मगर आदी मान्यवर उपस्थित होते.अकॅडमीचे संचालक शिक्षक बापु कुदळ, कपिल नागपूरे आणि किरण कापसे यांनी सांगितले की, या अकॅडमीच्या माध्यमातून आर्मी, पोलीस भरती, सरळ सेवा, MPSC, राज्यसेवा, SSC GD अशा विविध भरती परीक्षांसाठी दर्जेदार प्रशिक्षण अल्प दरात उपलब्ध करून देण्यात येणार आहे. कार्यक्रमात मान्यवरांनी आपल्या मनोगतातून ग्रामीण विद्यार्थ्यांना स्पर्धा परीक्षांमध्ये यश संपादन करण्यासाठी योग्य मार्गदर्शन आणि शिस्त यांचे महत्त्व अधोरेखित केले.उद्घाटन सोहळा अत्यंत उत्साहवर्धक वातावरणात पार पडला.