महाबोधी बुद्ध विहार बौद्धांच्या ताब्यात देण्यासाठी सोमवारी वैजापूरात भव्य मोर्चा..

वैजापूर 

तथागत गौतम बुद्धांना ज्ञान प्राप्त झालेलं स्थळ जे सर्व बौद्ध बांधवांच्या आस्थेचं केंद्र आहे व ज्याला जागतिक वारसा स्थळ म्हणून गौरव प्राप्त आहे. असे ते बिहार राज्यातील महाबोधी बुद्ध विहार बौद्ध भिक्खूंच्या ताब्यात देण्यात यावे तसेच बिहार टेंपल ॲक्ट कायदा १९४९ (BTA) रद्द करण्यात यावा या प्रमुख मागण्यांसाठी वैजापूर शहरात भव्य मोर्चाचे आयोजन करण्यात आले आहे. 

हा मोर्चा ६ ऑक्टोबर रोजी सकाळी ११ वाजता शहरातील डॉ. बाबासाहेब आंबेडकर यांच्या स्मारकापासून प्रारंभ होऊन येथील उपविभागीय अधिकारी कार्यालय येथे संपन्न होणार आहे. मोर्चाचे प्रमुख मार्गदर्शक म्हणून पूज्य भन्ते विनाचार्य, पूज्य भिक्खू संघरत्न आणि पूज्य भिक्खू आनंद सुमनसिरी थेरो उपस्थित राहणार आहेत. याप्रसंगी वैजापूर तालुक्यातील सर्व बौद्ध उपासक-उपासिका यांनी हजारोंच्या संख्येने उपस्थित राहावे असे आवाहन महाबोधी बुद्ध विहार बचाव समिती (वैजापूर) तर्फे करण्यात आले आहे.