विभागीय कुस्ती क्रीडा स्पर्धेसाठी शिवराई जि. प. प्रशालेच्या खेळाडूंची निवड

गोल्ड पदक विजेत्या स्पर्धकांची विभागीय स्पर्धेसाठी निवड

वैजापूर

शालेय शिक्षण विभाग आणि जिल्हा क्रीडा अधिकारी कार्यालय (छत्रपती संभाजीनगर) यांच्यावतीने जिल्हास्तरीय कुस्ती क्रीडा स्पर्धा छञपती संभाजीनगर येथील विभागीय क्रीडा संकुल येथे पार पडल्या.

स्पर्धेतील यशस्वी खेळाडूंसोबत शिक्षक व प्रशिक्षक

या स्पर्धेत वैजापूर तालुक्यातील शिवराई येथील जिल्हा परिषद प्रशालेच्या मुलींनी नेत्रदीपक कामगिरी करत १४ वर्ष वयोगटातील ३६ किलोग्राम मुलींच्या वजनगटात -श्रावणी गणेश डिके  हिने गोल्ड मेडल, ४२ किलोग्राम वजनगटात -दीक्षा बाबासाहेब त्रिभुवन - हिने गोल्ड मेडल,५० किलोग्राम वजनगटात अक्षरा प्रकाश डिके हिने सिल्वर मेडल, १७ वर्ष वयोगटातील ४० किलोग्राम वजनगटात मयुरी गणेश चव्हाण हिने सिल्वर मेडल, ४६ किलोग्राम वजनगटात-साक्षी महेश गोचिडे हिने ब्राँझ मेडल, १९ वर्ष वयोगटातील ६२ किलोग्राम वजनगटात स्नेहल शामसुंदर बागुल  हिने सिल्वर मेडल पटकाविले. गोल्ड मेडल जिंकलेल्या खेळाडूंची विभागीय कुस्ती क्रीडा स्पर्धेसाठी निवड झाली. खेळाडूंना क्रिडा शिक्षक तथा तालुका क्रिडा संयोजक गजानन गायके यांचे मार्गदर्शन लाभले. सर्व पदक प्राप्त खेळाडूंचे प्रशालेचे मुख्याध्यापक एकनाथ गवळी, रणजितसिंग परदेशी, रत्नाकर पगारे, संदीप तुंबारे, शंकर बलिकोंडवार, सुरेश भुजाडे, बाळासाहेब वानखेडे, राहुल कळंके,राजेंद्र कसबे, पद्‌मा कळसकर, भाग्यश्री मुठे, योगिता जेजुरकर, भीमाबाई पवार तसेच शालेय व्यवस्थापन समिती अध्यक्ष रामेश्वर आद‌मने, उपाध्यक्ष रविंद्र त्रिभुवन, योगेश डांगे तसेच पालक यांनी अभिनंदन करून विभागीय स्तरासाठी पात्र खेळाडूंना शुभेच्छा दिल्या.