तरुणाची गळफास घेऊन आत्महत्या

वैजापूर शहरातील पंडित (काका) नगर परिसरातील घटना

वैजापूर

शहरातील पंडित (काका) नगर येथील रहिवासी असलेल्या एका तरुणाने गळफास घेऊन आत्महत्या केल्याची घटना ०३ ऑगस्ट रोजी दुपारच्या सुमारास उघडकीस आली.

   भरत मच्छिंद्र पाटील (३८) असे घटनेतील मृत तरुणाचे नाव आहे. याबाबत पोलिसांनी दिलेल्या माहितीनुसार, भरत पाटील हे पंडित (काका) नगर परिसरात रहिवसास होते. दरम्यान रविवारी दुपारी त्यांनी राहत्या घरी गळफास घेऊन आत्महत्या केली. घटनेची माहिती मिळताच पोलिसांनी घटनास्थळी धाव घेतली. आत्महत्येचे कारण समजू शकले नाही. याप्रकरणी वैजापूर पोलिस ठाण्यात अकस्मात मृत्यूची नोंद करण्यात आली आहे.